❤Bear♡Bear❤

零九年好快就過左一半，周遭ｄ朋友唔係結婚就係生仔，我呢．．．

好似好忙，但又唔知忙咩，日日就係返工、ot、收工、返屋企，

五月中公司要我調位，好多人都以為我上職加薪，

其實只係調位啫，跟多個老細"二家姐"自然工作量多左，

我好唔鍾意呢個位，好唔鍾意依家ｄ工作，吃力不討好工作，

亞媽好鍾意比ｄ狗史垃圾既野要我跟，多野做唔緊要，

但唔係咁囉，我既思想同佢地唔一樣，佢地既說話另人頭痛，

呢個月情緒終於失控，有好重既負能量沖擊我，有好重既無奈感覺，

二家姐捉住我傾左好耐，但佢．．．明唔明我講咩？？？

我只係想將手頭上既功課做好，唔好再當我做擋箭牌．．．

呢兩日同事仔又唔生性，今次．．．我無力再對佢作出關心，

徹底放棄，由她任性吧。

呢間素菜館每日都好多人,早d去就唔使等位,
過左七點半就開始見d人係度等位,環境都算大,
食物方面,最好食係手撕素雞...超正...朋友仔叫左兩碟食,
另外豆苗同南瓜魚翅湯都好好味,我地連續兩日都去幫襯,
不過唔知係咪多人等位關係,佢地上菜好快,
至於服務態就度普通啦...平均每人消費HK$80 - HK$100。

聽人介紹呢間和風表食，講到好似幾正咁，

嗯．．．可能期望高要求就高，

牛肉金菇同ｄ壽司好唔得，ｄ假肉好難食，

最好食都係個焗飯．．．正，

鐵板牛柳都ｏｋ．．．唔錯唔錯。